ترامب مخرج الروائع

كمان اليوم رح احكي عن ترامب. ما تواخذوني، مش بايدي. هيدا الزلمة منجم الروائع، يوميّاََ عنده ضرب بيتّورخ! هيداك اليوم جمع كبار أركانه بكامب دايفيد، ونزل فيهم جعير! "معقول ما حدا مخبرني انو ما بق عنا ذخائر؟ لازم اقرا "الواشنطن بوست" لأعرف انو مخزون الباتريوت راح نصّو، ومنظومة ثاد طار منها تمانين بالمية؟". بالاول بتحتار إذا هيدي نكتة، فايك نيوز! لا، طلعت مزبوطة! رئيس اقوى دولة بالعالم، عم بيشن حرب وحشية على ايران، ومفوت معه الجوقة كلها تبع الخليج، (وبأي لحظة ممكن تقلب حرب شاملة بالمنطقة)… طلع ما بيعرف شو عنده صواريخ؟